Виноградлы салат ясау өчен ысланган тавык түшкәсе, майонез, пешкән бәрәңге, сыр, виноград, петрушка яфраклары кирәк.

Тавык түшкәсен саламлап турарга, тәлинкә төбенә җәяргә, өстенә майонез сөртергә. Пешкән бәрәңгене кабыгыннан чистартып, кыргычтан кырырга, Өстенә тагы майонез сөртергә. Шуның өстенә сыр кырырга, тагы майонез сөртергә. Калган тавык түшкәсен саламлап турап, сыр өстенә җәяргә, өстенә майонез сөртергә кирәк. Калган сырны кыргычтан кырып әзер булган салат өстенә сибәргә, шуның өстенә виноград тезәргә. яшел петрушка яфрагы белән бизәргә кирәк. Ярты сәгатькә суыткычка куярга. Кунаклар килер алдыннан табынга чыгарырга. 

Ашыгыз тәмле булсын!