4 нче сыйныфның татар төркеменә

әдәби укудан кереш контроль эш (тест)

1. Кайсы сүзләрне тәмле сүзләр дип атыйбыз?

а) ак, зәңгәр, сары;

ә) исәнмесез, тыныч йокы, рәхмәт;

б) тәртипле, яхшы, начар.

2. Табышмакның җавабын табыгыз.

Әгәр “Җ”гә башлансам мин, -“Тәмле дә соң!”-дип ашыйсың.

“Җ”не “Ч”гә алыштырсаң, минем белән су ташыйсың.

а) җиләк, чиләк;

ә) җиләк, иләк;

б) чиләк, җиләк.

3.  “Җил арба” әкияте нинди әкият?

а) тылсымлы;

ә) хайваннар турында;

б) тормыш-көнкүреш

4. Халык авыз иҗаты әсәре булмаган җавапны табыгыз:

а) табышмак;

ә) әкият;

б) хикәя.

5. “Сак-Сок” бәетендә әниләре улларын ни өчен ачулана?

а) тимер укны рөхсәтсез алган өчен;

ә) кошларны аткан өчен;

б) сугышкан өчен.

6. Мәкаль нәрсә турында?

Белемле кеше югалмас.

а) белем алу турында;

ә) китап уку турында;

б) әдәплелек турында.

7. Татар әдәбиятында мәсәл язучылар:

а)  Г.Тукай, М.Гафури, Ә.Исхак;

ә) Г.Тукай, М.Җәлил, А.Алиш;

б) Ф.Яруллин, Р.Миңнуллин, Р.Вәлиева.

8. Г.Тукайның “Яшь Агач” мәсәле нәрсә турында?

а) үз-үзеңне артык ярату;

ә) кеше сүзен тыңламау;

б) белем алу турында.

9. Сынландыру булган шигырь юлларын табыгыз:

а) “Матур җырлар җырлый-җырлый киләчәгемә барам...”

ә) “Йоклый шунда йолдызлар да өелешеп...”

б) “Бабасы утырткан Имән күләгәсендә ята иде яшь кенә бер егет...”

10. Мәкальне дәвам ит. Дөнья – йозак, ачкычы - ... .

а) белем;

ә) китап;

б) хезмәт.

4 нче сыйныфның татар төркеменә әдәби укудан кереш контроль эшне (тест)

бәяләү нормалары.

Әдәби укудан  тест 10 биремнән тора. Дөрес эшләнгән һәрбер бирем 1 балл белән бәяләнә.

 “5” ле – 9 – 10 балл

“4” ле – 7 – 8 балл

“3” ле – 5 – 6 балл

“2” ле – 0 – 4 балл.